DANIELA HAPTA 70-NA HAPTA CHANVE HMASA THIL THLENG TUR

Changthlan : Dan 9:27(Thup. Bung  6-11)  

Thuhma :

                Daniela hapta hi Judate hnenah pek a ni a, tunah hia Khawngaihna hun karlak tla kan hmang mek a. Khawngaihna hun tawpa thil lo thleng tur a ni a, Kohhran hian kan tuar ve dawn lo a ni. Khawngaihna hun hlutzia kan hriattheih nan hapta chanve hmasa zawka thil thleng tur rapthlak tak tak te lo tarlang ila.

                Daniela Hapta hi 70 a ni a, Hapta 69 chu Messiah(Krista) Hriak thiha tihbo (Krosa khenbeh) a nih khan a thleng tawh a. 70-na hmabak kum 7 Kohhran hun tawpah hian a lo la tla leh dawn a, chu mi hun chu hreawmna hun a ni dawn a ni. Kum 7 chhung chauh awm tur ni mah se, hun hnihah a inthen leh a, Kum 3 leh a chanve hmasa leh hnuhnung tiin. Hapta hmasa chhunga thil thleng ture a tlangpuii lo thlir ila.

                Lehkhabu chhinchhiahna 7-a chhinchhiah tlat phelh a ni ang. Pakhatna phelh atangin Hapta hmasa zawk hi a intan chiah ang.

Chhinchhiahna te:-

1.       Sakawr Var : Krista dodaltu lo lanna. Kum 7 atan Thutlung nghet tak a siam ang (Thup 6 : 1-2).

2.       Sakawr Sen : Indona a lo thleng ang(Thup 6 : 3-4) (Mt. 24:4-7).

3.       Sakawr Dum : Indo avanga tam tlakna rapthlak(Thup 6 : 5-6) (Mt. 24:7).

4.       Sakawr Dawldang : Hripui vanga thihna (Thup 6 : 7,8)

5.       Maicham hnuaia martarte thlarau au thawm, phuba la tura Pathian hnena an dilna, tawngtaina. (Thup 6 : 9-11).

6.       Leilung danglam zawh vekna alo thleng ang (Thup 6 : 12-17) (Joel 2:30-31) (Mat. 24:29, Isai. 13:9-11).

Chhinchhiahna 6-na leh 7-na inkara thilawm :

                Israel hnam tina mi 12,000 zel mi 144,000, Krista dodaltu hmaa thingthi ngai lote chhinchhiahna a awm rih ang. (Thup 14 : 1, 22:4, 7:3-8).

7.       Dar chanve lai van a reh thuap ang, tun hma aia thil rapthlak zawk a lo awm tan dawn avangin van mipui pawh an reh thuap dawn a ni.

Tawtawrawt pakhat atanga pasarih ham :

1.       Rial leh mei, thisen nena inpawlh leiah paih thlakin a awm ang. Tichuan, lei hmun thuma thena hmun khat a kang ral ang. (Joela 2:30)

2.       Tlang lianpui meia kang lai ang Tuifinriata paih thlak a ni ang, Tuifinriat hmun thuma thena hmun khat chu Thisenah a lo chang ang (Thup 8:8-9)

3.       Arsi hming ‘SAI’ lianpui, meichher anga alh van atanga lo tlain lui hmun thuma thena hmun khat a del ang a, sai ang main a kha vek ang. A intu apiangin an thih phah ang. (Jer 9:13-15). Thlenkimna tur a ni. (Thup 8:10-11)

4.       Ni leh Thla leh Arsi hmun thum a thena hmun khat tihchhiatna avangin chhun leh zan en dan hmun thum a thena hmun khat ang hu a eng dawn lo (Luk 21:25-26). Thlenkimna tur a ni. (Thup 8:12)

Chungpikna 3 alo la awm tur rapthlak turzia vantirhkohin a puang ang. Leia awmhote chung ‘a pik e, a pik e’ tiin ( Thup 8: 13).

5.       Khau rapthlak takte van palai pakhatin, lei lawt chahbi vawngtuin leilawt a hawn ve leh rawhtuina mei nasa tak ang hi a lo khu chhuak ang. Khau tak an ni lo va, Ramhuaiho (demons) an ni a, An lal hming Hebrai tawngin — Abadonna, Greek-in — Apdluona an ti vet hung, ‘tichhetu’ tihna a ni. Mihringte sawisa tura chhuahtir an ni. (Thup 9 : 1-12)

6.       Sipai Sakawr chunga chuangho 200,000,000 lai an hote nen an lo chhuak hum hum a. Sakawrte chuan Sakeibaknei lu ang an nei a, an ka atangin mei leh kat leh meikhute a chhuak a, chungte chuan mihring hmun thuma thena hmun khat an ti hlum ang. (Thup 9 : 13-21).

Hun karlak tla :

                Lalpa thu hretu pahnih an lo kal ang. Chungte chu Mosia leh Elija an ni ang. (Mal 4:5, Matt 17:3). Thuhretute hian Ni – 1260 chhung  rawng an bawl ang.

                Chhinchhiahna 7-na leh Tawtawrawt 7-na leh Berhbu 7-na an tawp rual a ni. Pasarihna theuh tawpna hi aw te, khawpui ri te, kawlphe te leh lirnghing tein a tawp tlang vek  a ni. (Thup 8:5, 11:19, 16:18).

                Heng hmalam huna thil thleng tur kan hriatna atang hian khawngaihna hun hlutzia leh ropui ziate kan hre thei a ni.

"IN HLAWKPUI NGEI KA BEISEI"